Search

JOVENTUDE BECORA IHA INGLATERA NO IRLANDIA HALO ASAUN KARIDADE MAI TIMOR LESTE- ALDEIA BEKUSI KRAIK.

Dili-Joventude Becora ne'ebe oras ne'e, servisu iha estranjeiru halo asaun karidade ba ema kbit laek sira iha Aldeia Bekusi Kraik, Suku Becora.


Ajuda humanitaria ne'e, reasiona ho pandemia Coronavirus Desease (COVID 19), ne'ebe afeta ona ema mate rihun resin iha mundu tomak.


Xefi Aldeia Bekusi Kraik, iha nia liafuan badak hatete katak, ajuda humanitaria ne'e mai husi joventude sira ne'ebe servisu iha Inglatera no Irlanda.


"Ohin ami halo disribuisaun nesesidade bázika ne'ebe, ami hetan ajuda husi ita nia oan sira nomos joventude sira ne'ebe servisu iha Inglatera no Irlanda. Ajuda hirak ne'e maka hanesan fos saka ida, manu tolun rak ida nomos supermie kaixa ida ba kada familia kbit laek sira. Hau hanoin ida ne'e, hanesan asaun karidade ida hodi bele hakman sira nia preokupasaun iha ambitu pandemia global ne'e." dehan Xefi Aldeia Bekusi Kraik Alicia do Rego ba media sira iha nia hela fatin Becora Ai-Mutihun, kinta feira ne'e, 14/02/2020.



Nia hatutan, antes ne'e, hau hanesan autoridade lokal, hamutuk ho hau nia xefi joventude nomos estrutura tomak, foti ona dadus ema hamutuk 41, liu-liu ba sira ne'ebe merese hanesan, katuas ferik sira ne'ebe susar tebes, defisiente nomos faluk sira ne'ebe laiha rendimentu. tenik Xefi Aldeia badinas dor ne'e.


Xefi Aldeia nemos relata katak, grupu alvu sira ne'ebe simu ajuda humanitaria ne'e, tama iha kategoria ema vulnerabel ne'ebe merese atu hetan duni benefisariu ne'e. nia mos hato'o nia sentimentu haksolok wain ba joventude sira no husu ba Maromak atu haraik isin diak ba hirak ne'ebe oras ne'e servisu iha ema nia rai. Nia mos iha esperansa bot atu iha futuru, joventude sira sei bele kontinua ajuda tan ema kbit laek sira iha Suku ida ne'e. #AX


Fotografia husi Carlos Antonio, Xefi Joventude Aldeia Bekusi Kraik


21 views0 comments